Campfire – Abteilungsfest 2007

Des diesjährische Treffe de Schütze- unn Westernabteilung, am 25.August 2007, war widder emal en ganz große Erfolg!!!

Unner dem Motto:"CAMPFIRE", uff meenzerisch soviel wie "Laager in Flamme!", war echt de Bär los unn von ibberall sinn se ebei geströömt, um diesem Naddur-Ereischnis beizuwohne.

Leider war kään Kostümzwang, desweesche war'n se nit all maskiert, abber die Unmaskierte sinn gar nit uffgefalle!

Möglisch war diese Verunstaltung widder nur dursch de selbstlose Einsatz unseres "Dreigestirns": Christian Knobloch, Koch, Lack- unn Leder-Spezialist; Helmut Kuttert, wie immer, vornehm im Hinnergrund dauernd am schaffe, unn – laast, batt nott liest – (was e Deitsch!), de Herr Paul! Nää, de Paul Herr, unser agiler Konferonc... Unterhaltungsbabbeler, der dursch seine scharmande Art, so manches reifere Mädel, dezu gebracht hat, Sache zu mache, die se sonst nit macht -  wie Radfahr'n , zum Beispiel!!!

Unn attraktive weiblische Fraue war'n bei unserm Fest diesmol einische anwesend, die mer jo sonst in unsrer Abteilung an zwää-drei Finger abzähle kann.

Unn do bin isch aach schunn beim Thema Wettkämpfe: Radparkuur, Messer-, Hufeise-, Lasso- unn Beilschmeiße, Boocheschieße, Klöß rolle unn Gulasch lutsche – es war das volle Programm!

Hinnerher is noch alles mit Kuche unn Kaffe enunner gespült worr'n – es war zu schee!!!

Halt, isch hab noch ääner vergesse, wann de Fritz Jung nit rausgefunne hätt, dass mer e Prospan (schunn widder Schleichwerbung)-Gasflasch aach uffdrehe muss, deede mer heit noch nit esse!

Drum saach' isch, es kimmt halt, wie es kimmt, des nächste Treffe kimmt bestimmt!!!

       Eich Eiern Winnie

...unser Heisje hott se schunn versoffe! Nit aach noch moin Caravan!

Gruppebild mit Armbanduhr

Indianer unn Kaubäuerin

...Frollein'sche, des is ja sehr neckisch, abber isch bin schon verheirat'!

...jetzt muss isch aach do noch Holz hacke!

Fahrrad: "Wann is dann der Parkuur bloß zuend?"

Grrrrr, wonn de mer noch emol so bleed die Haar schneidst...

Irschend ebbes fehlt noch – Sch..., es Gulasch!!!